شعبان عبد الرحيم يغنى عن احداث اسكندرية

سارع الثنائى شعبان عبدالرحيم وإسلام خليل للتحرك لمواجهة أحداث الإرهاب التى شهدتها كنيسة القديسين فى الإسكندرية، فقد أكد الشاعر إسلام خليل أنه كتب كلمات الأغنية "الدين لله والوطن للجميع.. إن مافهمناش القصة الكل راح يضيع.." بعد متابعته للحادث الذى استهلت به 2011 أول أيامها. وقال: "بدأت الكتابة ثم توقفت واستكملتها فى اليوم التالى، وتعمدت هذه المرة أن تكون الكلمات جادة، لأن الحدث لا يحتمل أى استخفاف أو هزار، واتفقت مع شبعان لأنه سريع الانتشار ولا يوجد مطرب مثله فى المنطقة، وبمجرد أن اقترحت عليه الفكرة وافق على الفور، وأعرب عن سعادته، لأنه شعر بأنه يقدم عملاً مفيداً لمصر». إسلام أكد الانتهاء من تسجيل الأغنية الاحد، ويتم حالياً تصويرها فيديو كليب تمهيداً لعرضها على الفضائيات خلال ساعات، وتقول كلمات الأغنية: (بغنى وأنا مش قادر.. والحزن فى قلبى زاد، على الاعتداء الغادر ليلة عيد الميلاد.. الناس جت فى الميعاد بيصلوا فرحانين.. الفرحة بقت حداد على راس الميتين.. عملية إرهابية اتنفذت على جنب والمسلم والمسيحى الاتنين ملهمش ذنب.. طول عمر مصر بيتنا مافيناش خاين أكيد.. لكن يا ناس الفتنة جايلنا من بعيد.. بلدنا يد واحدة فى الفرح والأحزان والمسلم والمسيحى مع بعض من زمان.. لنا فى مصر واحد من غير حسابات وحق.. فى عروقنا دم واحد نابع من قلب مصر.. عايزين نشوف القاتل ونجيب حق المقتول.. بلاش يا ناس الغضب يسيطر ع العقول.. الدين حرية خاصة والوطن للجميع.. إن مافهمناش القصة الكل راح يضيع.. فيه ناس عايزة تفرقنا.. عايزينها برق ورعد.. بلاش نسيب أعداءنا يخبطونا فى بعض.. مشاكلنا إحنا نحلها وإحنا اللى بيها نحس.. وشؤون مصر كلها تخص مصر وبس.. عايزين اللى يهدينا يا ناس يا خلق يا هووه.. يا معتز يا منى يا دينا يا برامج التوك شو.. دى حركة صهيونية بغل وبغباء.. لو مش مصدقنى أحلف لكم بالطلاق.. عارفين الحقيقة إيه وبرضه عايزين بديل.. أمال أنا قلت ليه أنا باكره إسرائيل).